15.05.2022 / 183 / Обзор новинок

Лепшыя рок-альбомы і хіты красавіка 2022

  • Альбом месяца: Red Hot Chili Peppers - Unlimited Love
  • Пазітыў месяца: Bowling for Soup – Pop Drunk Snot Bread
  • На класе: Rammstein - Zeit
  • Самая меладычная пласцінка: Treat - The Endgame
  • Лепшы канцэптуальны рэліз: Fontaines D.C. - Skinty Fia
  • Прыз за лепшы вакал: Dorothy - Gifts from the Holy Ghost
  • Лепшы танцавальны альбом: Calexico - El Mirador

Поўны спіс лепшых рок-альбомаў з міні-рэцэнзіямі і трыма топ-трэкамі да кожнага з іх глядзіце ніжэй, адразу пад хіт- і кліп-парадамі красавіка.




Альбом Дата Рэйтынг Апісанне / Топ-3 трэка
Red Hot Chili Peppers - Unlimited Love
1-кра
Доўгачаканы 12-ы альбом знакамітага каліфарнійскага квартэта ў самым сваім класічным складзе – у групу вярнуўся гітарыст Джон Фрушантэ і прадзюсер Рык Рубін. І адразу пайшлі знаёмыя джэма-фанкавыя вібрацыі з ранніх пласцінак – адчуваецца, што музыкі кайфуюць ад уз'яднання. Гучанне проста на вышыні. Адзінае, чаго не хапіла - хітоў… Ды і колькасць прахадных трэкаў нават большая, чым на сярэднестатыстычным іх рэлізе. Тым не менш, тут усё роўна ёсць чым пажывіцца - вельмі рады іх новаму рэлізу.
It’s Only Natural
Here Ever After
Black Summer
Bowling for Soup - Pop Drunk Snot Bread
22-кра
Люблю гумар у року. Лёгкія, іранічныя замалёўкі дзе лірыка захоплівае слухача, а пры наяўнасці годнага музычнага абрамлення адбываецца проста комба-эфект. Тым больш, калі гаворка ідзе пра рок з класiчным вобразам суровага рокера на Харлеі і пафаснымі тэкстамі. Роўны, якасны і займальны рэліз.
Wouldn't Change a Thing
Greatest of All Time
I Wanna Be Brad Pitt
Rammstein - Zeit
29-кра
Новы альбом Rammstein гэта заўсёды падзея, хаця калектыў ужо не здзіўляе ўвесь свет свежасцю ідэй, унікальнасцю рыфаў і г.д. З іншага боку, стабільнасць, з якой музыкі бяруць паднятую калісьці даўно планку, проста ўражвае. Пласцінка не заходзіць адразу, а наадварот, спачатку падаецца сумнай і невыразнай. Але, як і належыць сур'ёзнай і ўдумлівай працы, яна цалкам аддзячыць самых цярплiвых.
Meine Tranen
Adieu
Schwarz
Treat - The Endgame
8-кра
9-ы альбом шведскага калектыву, які грае меладычны стадыённы рок. Вельмі моцна збіты альбом - прынамсі яго першая палова слухаецца на адным дыханні. Няма відавочных хітоў, але амаль кожны трэк па-свойму чапляе.
Magic
My Parade
Both Ends Burning
Fontaines D.C. - Skinty Fia
22-кра
Трэці альбом ірландскага пост-панк калектыву, які пераехаў у Лондан, раскрывае пачуцці эмігрантаў, якія апынуліся ў некамфортным, чужым, а часам і варожым асяроддзі. Пагаршае сітуацыю гістарычна няпростыя адносіны паміж англійскімі і ірландскімі народамі, адсюль і пачуццё віны за нібы здраду сваёй Радзіме. Алень на вокладцы, які знаходзіцца ўнутры дома, сімвалізуе як раз знаходжанне ў неўласцівым для сябе асяроддзі. Складаная, але вельмі шчырая праца. Многім з нас гэтая гісторыя павінна зрэзанаваць…
I Love You
Skinty Fia
Jackie Down The Line
Dorothy - Gifts from the Holy Ghost
22-кра
"Дары Святога Духа" - трэцяя пласцінка каліфарнійскага рок-гурта. Яна натхнёная гісторыяй, якая адбылася з фронтвумэн Дораці Марцін. Спявачка сцвярджае, што заспела свайго гітарнага тэхніка пры смерці ад перадазіроўкі гераіну - яго твар набыў зялёна-сіні колер, яна была проста ўпэўненая, што той ужо мёртвы. У парыве роспачы Дораці пачала маліцца, каб яму далі яшчэ адзін шанец. "Добра, мы вяртаем яго", адказалі ёй. Праз некалькі секунд небарака апрытомнеў.
Close To Me Always
Gifts From The Holy Ghost
Rest In Peace
Calexico - El Mirador
8-кра
Чарговы нядрэнны альбом ад арызонскіх індзі-рокераў. За два з паловай дзясяткі гадоў свайго існавання калектыў стварыў свой унікальны жанр - так званы «пустынны нуар». Знаходзячыся на мяжы дзвюх культур, Calexico працягвае па-майстэрску і арганічна сплятаць разам мексіканскія і амерыканскія музычныя традыцыі.
Cumbia Peninsula
Harness the Wind
Liberada
* Націскайце на любы альбом і слухайце яго на Яндэкс Музыцы / Spotify
Похожие материалы:
Комментарии (0):
avatar