Прывітанне, сябры!

Паток добрай музыкі не спыняецца — можа, у кастрычніку і не было супер-блокбастараў на гады наперад, але некалькі альбомаў, вартых увагі, тут несумненна прысутнічаюць.

Big Wreck – The Rest of the Story. Доўгачаканы альбом ад вопытных канадска-амерыканскіх рокераў, які прапануе прымальны кампраміс паміж звыклым гучаннем гурта і прагрэсіўнымі эксперыментамі. Асабліва мне спадабаўся трэк Out Of Range — дае пра сябе знаць мая слабасць да ломаных рытмаў. І, канечне, уражвае, наколькі падобныя тэмбр і тэхніка спеву ў фронтмэна гурта Яна Торнлі і Криса Корнела.

Mayday Parade – Sad (EP). Другая частка запланаванай трылогіі міні-альбомаў. Калі першы міньён Sweet, які выйшаў у красавіку гэтага года, быў лёгкім і жыццярадасным, то другі міні-рэліз, як вынікае з назвы, напоўнены сумнымі, меланхалічнымі і павольнымі кампазіцыямі. І ў гэтым няма нічога дрэннага — выдатны саўндтрэк пад восень за акном.

Of Monsters and Men – All Is Love and Pain in the Mouse Parade. Чацвёртая пласцінка ісландскага інды-гурта азначае пераход ад эпічных фолк-тэм да інтымнага, атмасфернага, хатняга і цёплага гучання. Цудоўныя, расслабляльныя і проста прыгожыя мелодыі, галасы і аранжыроўкі.

Yellowcard – Better Days. Яшчэ адзін доўгачаканы камбэк пасля аднайменнага альбома 2016 года, які лічыўся фінальнай пласцінкай амерыканскага поп-панк гурта. Вяртанне атрымалася больш чым паспяховым — не апошнюю ролю ў гэтым адыграў вядомы Трэвіс Баркер з Blink-182, які спрадукаваў альбом. На мой густ, з паліроўкай гучання трохі перабольшылі — уж занадта папсова яны пачалі гучаць, але ўсё ж я вельмі рады гэтаму вяртанню, каб скардзіцца.

Што яшчэ варта паслухаць:

• Lunatic Soul - The World Under Unsun
  
• Sumo Cyco - Neon Void
  
• Mammoth - The End
  
• Dayseeker - Creature in the Black Night
  
• 40 Below Summer – Untethered
  
• КИНО — Молнии Индры

• Лучшие рок-альбомы и хиты ноября 2021