Прывітанне, сябры!

Мы набліжаемся да канца года, калі музычная індустрыя крыху зніжае тэмпы — аднак лістапад усё ж прынёс шэраг цікавых навінак.

Finger Eleven - Last Night on Earth. Канадскія рок-ветэраны з іх доўгачаканым і шматабяцальным восьмым альбомам. Музыкантам удалося захаваць сваё фірмовае арэна-рок гучанне, адначасова пакідаючы месца для эксперыментаў з сучаснымі фішкамі. Мне здаецца, яны дасягнулі добрага балансу свежасці і досведу на гэтай плытцы.

Set It Off — Set It Off. Шосты альбом рок-музыкантаў з амерыканскай Фларыды. Гурт працягвае пошукі свайго гучання, заходзячы ўсё глыбей у больш цяжкія пласты рок-музыкі — з лёгкага поп-року яны прайшлі нялёгкі шлях да сапраўднага хардкору. Паводле слоў музыкантаў, «кожны папярэдні альбом быў неабходны, каб мы змаглі дасягнуць гэтага гучання».

The Devil Wears Prada — Flowers. А тут супрацьлеглы выпадак, калі загартаваны металкор-гурт раптам вырашае дадаць у сваю музыку больш меладычнасці, крыху сінтэзатараў тут і там. Такі крок выклікае менш энтузіязму ў фанатаў і крытыкаў, але гэта зусім не значыць, што гэта няправільны ход — я, напрыклад, толькі вітаю гэта.

My Ticket Home — Pure to a Fault. Чацвёрты альбом амерыканскіх рокераў. Яшчэ адзін добры рэліз мінулага месяца. І зноў падобная карціна з альбомамі вышэй — доўгачаканае вяртанне пасля васьмі гадоў цішыні, сталенне стылю, эксперыменты з новымі элементамі.

Што яшчэ варта паслухаць:

• Caskets - The Only Heaven You'll Know
  
• Danko Jones - Leo Rising