Прывітанне, сябры!

The Amazons - 21st Century Fiction. Лепшы альбом траўня. Ведаеце, часта бывае, што малады калектыў намацвае свой гук на першых альбомах – дзесьці асцярожна і няўмела, дзесьці нервова і паспешліва. Але дзесьці да трэцяй-чацвёртай плытцы калектыў сталее, даспявае і разумее, нарэшце, чаго хоча зрабіць насамрэч і як. І выдае такі блокбастар! З The Amazons якраз такая ж гісторыя - іх свежы чацвёрты рэліз поўны ўпэўненасці ў сабе, магутнага гуку і запамінальных ідэй!

Counting Crows - Butter Miracle, The Complete Sweets! За аснову быў узяты міньён Butter Miracle, Suite One (2021). Яго перапісалі плюс дадалі 5 новых трэкаў – у выніку атрымаўся доўгачаканы поўнафарматнік. Лірычна багаты альбом з прыемным гучаннем.

Propagandhi - At Peace. Новая плытка канадскіх панк-рокераў поўная крутых рыфаў, іроніі і здаровай, канструктыўнай злосці на той бардак, які адбываецца ў свеце.